ابسط روتين للشعر لو نفذتيه وانتظمتي هتلاقي شعرك اتغير 180 درجه
اول حاجه هقولكوا عليها الشامبوو احب اقولكوا ابعدوا عن اي شامبو مصري لان تجربتي معاهم زي الزفت
تانى حاجه بقا لو عندك قشره ف شعرك وجيتي استخدمتي شامبو قشره زي كلير ده مثلا هيضيعلك القشره آه بس قصاد ده هيدمر شعرك ويبقا متقصف جدا وبيتقطع وضعيف لان شامبوهات القشره قوية جدا ع الشعر
افضل حاجه للقشره انك تجيبي كوباية نصها شامبوا عادي و ربعها خل تفاح او خل عادي وتغسل بيها شعرك هينضف شعرك جدا بس مش تستخدميه اكتر مه مرتين ف الشهر لو عندك قشره كتير جدا استخدميه مره كل اسبوع لحد ما القشره تروح وبس ع كدا
انا افضل شامبو استخدمته كان لوريال المستورد وده في انواع كتير منه للتساقط والتقصف وإلخ والخ كان في مجوعه نزلت من فتره منه هى للشعر التالف تقريبا دي حلوة جدا لونها ابيض وغطاها احمر ، وحاليا بستخدم شامبو اسمه Gliss حلو جدا برضوا
نيجي بقا لحمام الزيت وده حاجه مهمه جداا تعمليها مره كل اسبوع انا عندي ازازه حاطه فيها كذا زيت عباره عن ( زيت الحية _ زيت دابر املا الاماراتي مش المصري وبجيبه من السعودية _ زيت خروع _ زيت جوز هند _ زيت تريشوب _ زيت جرجير ) دول بحطهم ع شعري وأدلك فروة شعري بيهم كويس جدا ف كل حته وبعد كدا تجيبي فوطه سخنة تلفي شعرك بيها وتفضلي لمده مش اقل من 5 ساعات وبعد كدا تغسلي شعرك كويس حمام الزيت ده مره كل اسبوع او مرتين ده جامع كل الزيوت القوية للشعر وزيت الحية ده حلو جدا جدا جدا للشعر لازم تجربيه
لو عندك بقا فراغات ف شعرك استخدمي زباد ع اماكن الفراغات مع زيت خروع مره ف الاسبوع او مرتين انا معنديش فراغات ف شعري ف مش بستخدمه ، وكمان تجيبي زيت خروع كل يوم قبل ما تنامي وبصباعك تحطي ع اماكن الفراغات
بعد ما تغسلي شعرك وعاوزه حاجه تسرحي بيها انا بستخدم زيت صانسيلك الدهبي بينعم الشعر ف التسريح وريحته حلوة وساعات بسرحه كدا من غير زيوت وممكن تسرحي بحاجه اسمها فازلين حبشي صحابي قالولي بيفرد الشعر اوى هجربه قريب ولفي شعرك كحكه ومتشديش الشعر الكحكه معايا بتفرده اوى وشعري بيبقا كأنة مكوي
ده يعتبر روتين بسيط جدا جدا تمشي عليه بإنتظام ده تجربتي انا الشخصية لو حابه تغيري حاجه براحتك انا مبستخدمش كريمات او حمام كريم لانهم بيلزقوا ف شعري ومش بحبهم بس لو حلوين مع شعرك استخدمي حمام كريم ماركه كويسه عشان متضيعيش شعرك ولوعندك تقصف قصي اطراف شعرك المتقصفه الاول وبعد كدا ابدأي اهتمي بيه وولازم تقصي اطراف شعرك كل شهر ونص او شهرين حاجه بسيطه مش كتير عشان مش يتقصف
