اليوم عملت ليمون مخلل . وبيبقي طعمه تحفه.
الطريقه.
بتسلقي الليمون لحد ما يستوي .
وبعدين لمده تلت ايام تغيري له الميه مرتين في اليوم عشان يشيل المراره.
وبعد تلت ايام .بنجهز طبق في شويه ملح على شويه حبه البركه وشويه شطه حمرا ونقلبهم.
وبعدين نجيب الليمون ونقطعها قطعين على شكل +. ونحشي كل ليمونه شويه من الخليط اللي هو الملح وحبه البركه.
ونرص الليمون في برطمان. وممكن نحط معاه شطه خضرا. نقطعها ونحطها في وسط الليمون .وبعدين نحط شويه زيت زيتون عالوش .ونقفل البرطمان كويس ونحط كيس تحت الغطا عشان الهو.
وبعدين نقلب البرطمان ونسيبه لمده اسبوع لما يستوي.
وبالهنا والشفا.
