روتيــن للتغييـــر الكامــل

وطبعــا ده بالاخــص لاى عروسه فرحها قرب ولسه لايصــه ومش عارفه تبــدأ بأيه 

وكمان للمامات اللى نفسهم يرجعوا يهتمــوا تانى بنفسهمـ 

فيــلا نبــدأ 
واهم حاجه تعرفى ان اى تغييــر سواء فى بشرتك او شعرك بياخد وقت فلازم تحطى لنفسك فتره مش اقل من 3 شهور عشان تشوفى نتيجه تبقى راضيه عنهـا جداا

اول حاجه لازم تحددى المشاكل اللى عندك ومحتاجه تتعالج او مجرد اهتمام
تانى حاجه فى حاجات لازم تبقى عندك وانا هكتبلكوا كل الحاجات دى وبكذا بديل عشان محدش يتحجج ويكسل

1- عشان تعملى حمام مغربى وده تخليه من مره لمرتين فى الشهر هتحتاجى صابون مغربى وليفه مغربى( تكون كويسه ) وحنه بيضا 
وانا بحب نوع موروكان اويل 
بتخلطى معلقتين حنا بيضا +معلقتين نشا او شبه + معلقتين لبن بودر + 4 او 5 معالق صابون +ربع كوبايه مايه او لبن او شاى اخضر مغلى او بقدونس مغلى
تفردي الخليط ده على جسمك كله وتسبيه ربع او تلت ساعه وكملى الباقى بنفس خطوات الحمام المغربى العادى

2- محتاجه كريم نهار وكريم ليل 
احسن ماركات سكين كود و فيتشي و روك و شانيل وكلينك و لوريال و بوندس 
اختارى اللى يناسبك وبجد هما مهمين لنضاره البشره وترطيبها
لو سنك 30 او اكتر يبقى تجيبى كريم لتحفيز الكولاجين عشان يأخر اى تجاعيد ويملى الوش ويديله النضاره والغذا اللى محتاجه وده برضو هيبقى من نفس الماركات اللى فاتت دى وهضيف عليهم نيفيا اكسبرت ليفت حلو اوى للتجاعيد

3- غسول لبشرتك على حسب نوعهاا وهنزلكوا بوست لنوع كل بشره بغسولاتها

4- تونر يعنى ( قابض للمسام) 
وفى انواع كتير اووى زى فيشى او لوريال او بيوديرما او افين او نيفيااو بودى شوب او مايه ورد

5- اسكرب كويس لبشرتك زى بايو او ست ايفز او بودى شوب 
او اسكرب طبيعى سكر ناعم وزيت زيتون او ترمس مطحون وعسل 
اى اسكرب مره او مرتين بالاسبوع بس والاحسن مره اسكرب ومره ماسك ترطيب او تغذيه او تفتيح

6- جهاز بخار وتعملى مره بالشهر تنضيف لبشرتك
والجهاز رخيص مش غالى وهينفعك بجوازك بدل ماتعمليه برا وتدفعى مبلغ على الفاضى
وتعملى احلى تنضيف بشره وهتلاقى البوست فى الالبومات

7- اسكرب لجسمك وتعمليه مره كل اسبوع ولو جلدك مش ناعم وعندك جلد الفرخه يبقى اعمليه مرتين بالاسبوع بتحطيه على جسمك وتفركى من 3 ل 5 دقايق كويس بايدك او بالليفه بتاعتك 
وانواعه كتيرر بس انا بحب اووى ملح الحليب او كاب او فروتينى او كريم العروسه 
او اسكرب طبيعى حنا بيضا ومايه ورد او سكر وزيت زيتون

8- كريم للايد زى فازلين او بودى شوب او جونسون او نيفيا 
و كريم للرجل وبجد احلى حاجه كارباميد او فازلين او شوول

9- للمنطقه الحساسه فى بوست كامل ليها اقرووه 
والخلاصه غسول كويس وكريم او مرهم مضاد للالتهاباتت والبكتيريا زى فيوسيدسن او كيناكومب او صودو كريم

10- لوشن للجسم زى فيكتوريا سيكريت او فازلين او بودى شوب او باث اند بودى او انشانتر و يومياا ترطبى مره او مرتين

11- اعملى باديكير لايدك ورجلك مره كل اسبوع 
وطريقته هتلاقيها فى بوست لوحده

12- طبعا تعملى ازاله شعر بصفه مستمره بالطريقه اللى تحبيها سواء سويت او واكس او كريم او شيفينج

13- اشربى مايه كتيرر على قد ما تقدرى ولبن وعصاير وكلى سلطه وفاكهه كل الحاجات دى هتفرق بجد سواء فى بشرتك او شعرك

14- كملى الفيتامينات اللى نقصالك او خدى الاساسيات زى الاوميجا 3 و فيتازنك او كبسولات حديد او فور نيل اند هير او اقراص الخميره او سيفن سيز او حبوب كولاجين لو سنك فوق ال 30 كل دول مفيدين جداا للشعر والظوافر بالذات

15- قللى من شرب الشاى والنسكافيه والقهوه وخليكى فى الشاى الاخضر او القرفه والينسون

16- لو عندك اى اماكن غامقه فى جسمك استعمليلها كريم تفتيح زى رومكس او فولدكس او فيداوت او افالون او بايوديرما 
ولو عندك اثار بقع او حبوب او جروح يبقى لازم تستعملى كريم تقشير زى يوينتون فور او ديبديرم او ماربلين او اكرتين او ترتيوسبوت او لوكسيد ار

17- لو بشرتك محتاجه تفتيح اقرى بوست تفتيح البشره بالالبومات

18- مزيل العرق امر مفروغ منه طبعااا 
19- اغسلى سنانك مرتين باليوم او على الاقل مره بس داومى على كده واستعملى مضمضه ليسترين هاايله عشان اى ريحه مش تمام

20- شفايفك تعمليلها اسكرب بسكر وزيت زيتون مرتين بالاسبوع وعلطول ترطبيهاا طول الوقت واحسن ليب بالم بالمرز وكمان سيباميد او تندركير البيضا وفازلين وبودى شوب

لو عندك انيمياا لازم لازم تتعالج

العنايه بالبشره 
امشوا على الروتين اليومى اللى كنت قولتلكوا عليه فى بوست قبل كده
مع ماسك مرتين بالاسبوع واحد عنايه ( تفتيح او شد او ترطيب وغذا ) والتانى سنفره ومره بالشهر تنضيف للبشره بالبخار

العنايه بالشعر
هتحتاجى شامبو كويس زى سيوس او تريزمى 
و حمام كريم كويس زى بوناويل او لاكارتيه او فاتيكا او فاشكول او بايوينت
حمام زيت لو شعرك بتيجى على الزيوت يبقى مره بالاسبوع وتعمليه قبل ماتغسلى شعرك بساعتين تلاته تخلطى مجموعه زيوت زى السمسم والجرجير والزيتون 
دهان للشعر ياما سيروم او كريم او زيت حسب نوع شعرك واللى ترتاحيله بقا

يارب اكون لميت كل المهم 
ولو افتكرت اى حاجه هضيفهالكوا ...