كيفيه العنايه بالبشره الدهنيه فى الصيف

طبعا الصيف واضح انه داخل وبقوه وهتسود وهنلطم 😂😂

ف نحاول نهتم ببشرتنا ع قد ما نقدر

اول ماتصحي من النوم بتغسلي وشك بالغسول بتاعك للبشره الدهنيه احسن الانواع ( بايودرما و avene و فارمسيرز و Isis ) دي منتجات طبيه غاليه شويه بس تضمني انك بتحطي حاجه ع بشرتك مش هتضرها في بعد كده الارخص وكويس برضه زي (غارنيه بالفحم و غسول اوريفليم للبشره الدهنيه ال لونه ازرق مش فاكره اسمه و هيمالايا وجونسون ) بعد مانغسل وشنا لو انتي خارجه ف الشارع هتحطي صن بلوك ده اهم حاجه متخرجيش ف الشمس من غيره وبرضه انواعه نفس انواع الغسولات الطبيه الغاليه هاتي واحد غالي احسن وهيقعد معاكي لو هتقعدي فالبيت مش هتخرجي حطي كريم مرطب زي نيفيا او جونسون
نيجي بليل بقي قبل ماننام نغسل وشنا بالغسول تاني كويس بقي ع نشيل التراب ال لمناه طول النهار والدهون وبعدين هنجيب قطنه ونحط تونر سواء جاهز او ميه ورد متخففه بميه معدنيه وبعدين هنحط كريم لمنطقه العين ف لوريال حلو وبايوردما و Isis ونحذ كريم مرطب لبشرتنا ونناااام 😴😴
نيجي بقي للحاجاا ال هنعملها مرتين فالاسبوع
نعمل سكرب مرتين فالاسبوع سواء ماسك طبيعي زيت زيتون وسكر او جاهز زي منتجات كتير
ماسك ترطيب مره فالاسبوع زبادي وعسل زبادي وخيار براحتك

يارب اكون افدتكم.😂😂😍