فضل الصدقه الخفية
من واقع قصه حقيقية
يرجع يستقر بعد وفاة والدته بكام شهر .. وبعد كام شهر تانيين وهو نازل من البيت توقفه جارة والدته
وتقوله : إزيك يا أبنى عامل أيه ؟!
معلش ممكن تبقى تدل الجمعية اللى كانت بتبعت تبرعات لوالدتك على بيتى لأن الست والدتك كانت الوسيط وهما مايعرفونيش والمعونة بتاعتهم بتساعدنى أنا وبنتى فى ظروفنا الصعبة دى !!
ولإنه ما يعرفش أيه الموضوع ،، يقولها حاضر يا حاجة حشوف أيه الموضوع ده ؟!!
بالليل يزور أخته ويسألها : أومال أيه موضوع التبرعات اللى كانت أمنا الله يرحمها بتوصلها لجارتنا ؟!!
تبتسم أخته وتقوله : إنت عرفت ؟!
يا سيدى أمنا كانت بتساعد واحدة جارتنا غلبانة وعلشان ماتكسفهاش كانت بتقولها إنها بيجيلها تبرع من جمعية خيرية تساعدها على المعيشة حتى طلبت من جارتنا صورة بطاقتها علشان تجيبلها تبرعات هى كمان
وفعلا بدأت تاخد جزء من الفلوس اللى إنت كنت بتبعتهالها كل شهر وتديه لجارتنا وفى المناسبات ممكن تجيبلها سلع غذائية أو بطانية أو لحوم على حسب المبلغ اللى وفرته
وأما ماما إتوفت أنا إنشغلت صراحة وما أفتكرتش موضوع جارتنا ده خالص
الإبن وهو مبتسم : الله يرحمك يا حاجة ياما ربنا طلعنى من مواقف صعبة فى غربتى من غير مألاقى تفسير بس عرفت سبب الفرج دلوقتى
وياخد على نفسه عهد إنه يكمل مع جارتهم اللى والدته بدأته .
قال صلى الله عليه وسلم (ما آمن بي من بات شبعان وجاره جائع إلى جنبه وهو يعلم به)
قال صلى الله عليه وسلم (ما آمن بي من بات شبعان وجاره جائع إلى جنبه وهو يعلم به)
